- बिहीबार, १ जेठ, २०८२
काठमाण्डु, ७ चैत– निर्वाचन आयोगले रिक्त प्रतिनिधिसभा सदस्यमा रिक्त पदका लागि आगामी १० वैशाखमा हुने उपनिर्वाचनका लागि दल दर्ताका लागि आग्रह गरेको छ ।
आयोगले एक सूचना जारी गर्दै दल दर्ताका लागि अपिल गरेको हो । आयोगले बुधबारदेखि आगामी १२ चैतसम्म दल दर्ताको समय निर्धारण गरिएको जनाएको छ । तनहुँ–१, बारा–२ र चितवन–२ मा १० वैशाखमा उपनिर्वाचन हुँदैछ ।
तनहुँ–१ का प्रतिनिधिसभा सदस्य रामचन्द्र पौडेल राष्ट्रपति तथा बारा–२ का प्रतिनिधिसभा सदस्य रामसहायप्रसाद यादव उपराष्ट्रपति निर्वाचित भएपछि ती क्षेत्रमा उपनिर्वाचन हुन लागेको हो ।
राष्ट्रिय स्वतन्त्र पार्टीका सभापति रवि लामिछाने दोहोरो नागरिकता प्रकरणमा सर्वोच्च अदालतबाट दोषी ठहर भएपछि पदमुक्त भएका कारण चितवन–२ मा उपनिर्वाचन हुन लागेको हो । लामिछानेले पुनः सोही क्षेत्रबाट उपनिर्वाचन लड्ने तयारी गरेका छन् ।
