- आइतबार, ४ जेठ, २०८२
काठमाण्डु,२१ पुस– प्रहरीले चन्द्रगीरी नगरपालिका गुर्जुधाराको यातायात कार्यालयबाट २६ जना बिचौलियाहरूलाई पक्राउ गरेको छ ।
गुर्जधारा स्थित यातायात व्यवस्था कार्यालय, मोटरसाइकल (बागमती)मा जाने सेवाग्राहीलाई काम छिटो गरिदिने बहानामा उनीहरूले रकम असुल्ने गरेको आरोप लागेको छ ।
सेवाग्राहीलाई हैरानी दिएर रकम असुल्ने २६ जना बिचौलियालाई पक्राउ गरिएको जिल्ला प्रहरी परिसर काठमाण्डुका एसएसपी भरत बोहराले जानकारी दिएका छन ।
बिचौलियाहरूलाई प्रहरी परिसर टेकुमा राखिएको छ । उनीहरुबिरुद्ध अभद्र व्यवहारको मुद्दा चलाइने उनले बताएका छन ।
नयाँ लाइसेन्स बनाउन र कागजपत्र नवीकरण गर्न जाने सेवाग्राहीलाई ‘छिटो काम गरिदिन्छौँ’ भनेर बिचौलियाहरूले रकम असुल्ने गरेका छन् । यातायातका कर्मचारीहरू पनि बिचौलियाहरूसँग मिल्ने गरेको आरोप लागेको छ ।
