- आइतबार, ४ जेठ, २०८२
काठमाण्डू, ४ जेठ– जिल्ला अदालत ललितपुरले जनमत पार्टीका केन्द्रीय कोषाध्यक्ष सुरेन्द्रनारायण यादवलाई धरौटीमा छाड्न आदेश गरेको छ । न्यायाधीश टेकराज जोशीको इजलासले यादवलाई ५ लाख धरौटीमा छाड्न आदेश जारी गरेको हो ।
यादवलाई ठगी र आपराधिक विश्वासघात गरेको आरोपमा डा.शरदसिंह यादवले जिल्ला प्रहरी परिसर ललितपुरमा जाहेरी दिएका थिए । उक्त जाहेरीका आधारमा आधारमा वैशाख ७ गते सप्तरीको राजविराजबाट पक्राउ गरी काठमाण्डू ल्याइएको थियो ।
यादवलाई अदालतले धरौटीमा छाड्न आदेश गरेको जनमतका निलम्बित उपाध्यक्ष दीपक साहले जानकारी दिएका छन । कोषाअध्यक्ष यादवसहित उनकी श्रीमती ललिता कुमारी यादवविरुद्ध पनि पक्राउ पुर्जी भएकोमा अदालतले ललिताकुमारीलाई पक्राउ नगर्न आदेश गरेको उनले जानकारी दिए ।
