जुम्लामा विवाहमा भाग लिई घर फर्कने क्रममा एक जनाको लडेर मृत्यु

काठमाण्डु,१७ मंसिर– जुम्लामा विवाहमा भाग लिई घर फर्कने क्रममा एक जनाको लडेर मृत्यु भएको छ। मूत्यु हुनेमा जुम्लाको तिला गाउँपालिका–६ का अन्दाजी ४७ वर्षीय देव रावत रहेका छन ।

जिल्ला प्रहरी कार्यालय जुम्लाका प्रहरी निरीक्षक धर्मराज जोशीका अनुसार तिला–८ मा पर्ने लाछुङथाडी भन्ने ठाउँको गोरुखोला भन्ने ठाउँमा उनको लडेर मृत्यु भएको हो ।

रावतले मदिरा अत्यधिक रूपमा सेवन गरेको उनले बताएका छन । प्रहरीका अनुसार विवाहको जन्तीमा सँगैका साथीहरू समयमै घर फर्केकी सकेका थिए भने रावत भन्ने छुट्टै घर फर्केका थिए ।

अहिले मृतकको शव पोस्टमार्टमका लागि कर्णाली स्वास्थ्य विज्ञान प्रतिष्ठान लगीएको छ ।