- मंगलबार, १२ साउन, २०८३
काठमाण्डू, ६ फागुन– पूर्व उपप्रधान एवं गृहमन्त्री समेत रहेका राष्ट्रिय स्वतन्त्र पार्टी (रास्वपा)का सभापति रवि लामिछानेले बेथितिको सटर एकैपटक बन्द गर्ने गरी आफूहरू राजनीतिमा आएको बताएका छन ।
आज (बुधबार) सुदूरपश्चिमको धनगढीमा आयोजित चुनावी सभालाई सम्बोधन गर्दै उनले यस्तो बताएका हुन् । सभापति लामिछानेले भने, ‘मत पत्रमा छाप लगाउने फागुन २१ मा हो ।
अहिले मनपत्रमा छाप लगाउने हो । सुदूरपश्चिमको अधिकारलाई माग बनाएर अल्झाएर राख्न काम बन्द हुनुपर्छ । सटर त एउटा बन्द हुनुपर्छ । बेथिति बेरोजगारीको सटर बन्द गर्ने हो सबै सटर बन्द गर्ने हो एकैपटक ।’ उनले अहिले पाँच वर्षको स्थायी सरकार माग गरेर जनतामाझ रास्वपा गएको भन्दै आफ्ना उम्मेदवारलाई भोट दिन पनि आह्वान गरे ।
उनले राजनीतिक दलले चुनावमा गरेको बाचा पूरा नगर्दा जनताले दुस्ख पाउने अवस्था अन्त्य गर्न पनि रास्वपा अघि बढेको पनि बताएका छन ।
उनले भने, ‘बाचा जसले गरेको हो सजाय उसैले पाउने हो । जनताले होइन । भारतमा काम गर्ने सुदूरपश्चिमका सबैलाई यहीँबाट सम्झना । मलाई थाहा छ परदेशको भूमि सजिलो छैन तर छुट्टि मिलाएरै भए पनि आउनुहोला देश बदल्नुपर्छ ।
यसपटक जनताले जित्नुपर्छ सँधै नेतामात्रै जितिरहेका छन्, ‘देशको राजनीतिक आकांक्षालाई केन्द्रमा राखेर हामी आएका छौं ।’
