- मंगलबार, २६ जेठ, २०८३
काठमाण्डू, ६ फागुन– आगामी २१ फागुनमा हुने प्रतिनिधि सभाको निर्वाचनको लागि काठमाण्डू–५ बाट एमालेको तर्फबताट उम्मेदवार रहेको ईश्वर पोखरेलले चुनावी घरदैलो तथा मतदाता भेटघाट कार्यक्रमलाई तीव्र पारेका छन् ।
नेता पोखरेलले घरदैलोका क्रममा टोल टोलमा पुगेर मतदातासँग प्रत्यक्ष संवाद गर्दै आफ्ना योजना सुनाइरहेका छन् । आज (बुधबार) टोखामा भएको कार्यक्रमलाई सम्बोधन गर्दै पोखरेलले एमाले देश बनाउने शक्ति भएको बताए । उनले पार्टीले सधैँ देश निर्माणका लागि काम गर्दै आइरहेको समेत बताए ।
उनले भने, ‘एमाले देश बनाउने काम गर्छ, देश बिगार्ने काम गर्दैन ।’ नेता पोखरेलले एमालेलाई विजयी गराउन सबै कार्यकर्ता तथा समर्थकलाई जनताको बिचमा पुगेर पार्टीका एजेन्डा राख्न अनुरोध पनि गरे । साथै, उनले जनताका गुनासा, आलोचना र समस्याहरू सुन्ने र समाधानतर्फ लाग्ने प्रतिबद्धता पनि व्यक्त गरे ।
नेता पोखरेलले फरक परिस्थितिमा हुन लागेको यो निर्वाचनमा देशलाई सही ट्याकमा ल्याउनैका लागि देशभर एमालेको जित आवश्यक रहेको समेत बताए ।
घरदैलोका क्रममा नेता पोखरेलले २१ फागुनमा हुन गइरहेको निर्वाचनलाई लक्षित गर्दै यस क्षेत्रका लागि आफूले तयार पारेका विकासका योजनाहरू जनतासमक्ष प्रस्तुत गरिरहेका छन् । काठमाण्डू–५ लाई नमुना क्षेत्र बनाउने प्रतिबद्धतासहित पोखरेल मत माग्न व्यस्त रहेका छन् ।
