- शुक्रबार, २६ असार, २०८३
काठमाण्डू, ७ फागुन– काठमाण्डू महानगरपालिका– १ जमलस्थित विश्वज्योति हलअगाडि बसको ठक्करबाट एक साइकलयात्रीको मृत्यु भएको छ ।
मृत्यु हुनेमा ५६ वर्षीय अम्बरबहादुर बोगटी रहेको जिल्ला प्रहरी परिसर काठमाण्डूले जानकारी दिएको छ ।
ओखलढुंगा घर भई हाल काठमाण्डूको डल्लु बस्दै आएका बोगटीलाई मंगलबार बा। ५ ख ८७६१ नम्बरको बसले ठक्कर दिएको थियो । बसको ठक्करबाट गम्भीर घाइते भएका उनलाई उपचारका लागि राष्ट्रिय ट्रमा सेन्टरमा लगिएको थियो ।
उपचारकै क्रममा उनको मृत्यु भएको प्रहरीले जनाएको छ । बसका चालकलाई पक्राउ गरेर घटनाबारे प्रहरीले आवाश्यक अनुसन्धान अघि बढाएको पनि जिल्ला प्रहरी परिसर काठमाण्डूले जानकारी दिएको छ ।
