- मंगलबार, ३० असार, २०८३
काठमाण्डू, १३ माघ– कैलालीको धनगढी उपमहानगरपालिका–१७ मा भाइले कैची प्रहार गरी आफ्नै दाइको हत्या गरेका छन । हिजो शनिबार राति साढे १२ बजेतिर ३५ वर्षीय दाइ लालबहादुर बोहरालाई उनका भाइ ३० वर्षीय प्रकाशले कैची प्रहार गरेको जिल्ला प्रहरी कार्यालय कैलालीको प्रवक्ता दर्शन खड्काले जानकारी दिएका छन ।
घाँटीमा कैची प्रहारबाट गम्भीर घाइते भएका उनलाई उपचारका लागि मिसन अस्पताल धनगढीमा उपचारका लागि पठाइएको थियो । उपचारकै क्रममा उनको राति २ः५० बजे मृत्यु भएको प्रवक्ता खड्काले जानकारी दिएका छन ।
प्रारम्भिक अनुसन्धानका क्रममा घरायासी विवादमा सामान्य भनाभन हुँदा प्रकाशले कैची प्रहार गरेको खुलेको उनले जानकारी दिएका छन । दाइको मत्यु भएपछि भाइ प्रकाशलाई नियन्त्रणमा लिएर अनुसन्धान सुरु गरिएको उनले जानकारी दिएका छन ।
