- मंगलबार, ३० असार, २०८३
बागलुङ, १० माघ– नेकपा एकीकृत समाजवादीका स्थायी कमिटी सदस्य एवं गण्डकी प्रदेश अध्यक्ष रामजीप्रसाद शर्माको निधन भएको छ ।
शर्माको हृदयघातका कारण निधन भएको पारिवारिक श्रोतले जनाएको छ । भारतमा मिर्गौला प्रत्यारोपण गर्ने क्रममा शर्मालाई हृदयघात भएको एकीकृत समाजवादीले जनाएको छ ।
शर्माको बिहीबार नै अन्त्येष्टि गरिएको छ । यसैबीच एकीकृत समाजवादी अध्यक्ष माधवकुमार नेपालले शर्माको निधनमा श्रद्धाञ्जली व्यक्त गरेका छन् ।
शर्मा ०५६ सालमा बागलुङ–१ बाट प्रतिनिसभा एमालेका तर्फबाट प्रतिनिधिसभा सदस्य र ०६४ को पहिलो संविधानसभा निर्वाचनमा संविधानसभा सदस्य निर्वाचित भएका थिए । उनी ऊर्जाराज्यमन्त्रीसमेत भएका थिए ।
