- मंगलबार, ३० असार, २०८३
काठमाण्डू, १ माघ– मकवानपुरमा करिब डेढ महिनादेखि बेपत्ता एक वृद्धको शव फेला परेको छ । जिल्लाको भीमफेदी गाउँपालिका–२ रिठ्ठेडाँडामा मकवानपुरको कैलाश गाउँपालिका–७ भार्ता निवासी ७० वर्षीय टिकाराम प्रजाको शव फेला परेको प्रहरीले जानकारी दिएको छ ।
भीमफेदी गाउँपालिका–९ स्थित भान्जीको घरबाट फर्किने क्रममा गत कात्तिक १४ गते बेपत्ता भएका मकवानपुरको प्रजाको शव सडेगलेको अवस्थामा फेला परेको जिल्ला प्रहरी कार्यालयका प्रहरी नायब उपरीक्षक श्यामु अर्यालले जानकारी दिएका छन ।
प्रजाको शव परीक्षणका लागि हेटौँडा अस्पताल ल्याइएको उनले जानकारी दिए । मामाको खोजी गर्न प्रजाका भान्जा रामहरि प्रजाले गत मङ्सिर ४ गते जिल्ला प्रहरी कार्यालय मकवानपुरमा निवेदन दिएका थिए ।
मृतकले लगाएको कपडा र साथमा रहेको झोलाका आधारमा मृतक प्रजाको सनाखत भएको प्रहरी नायब उपरीक्षक अर्यालले जानकारी दिएका छन ।
