- बुधबार, ३१ असार, २०८३
काठमाण्डु, २१ पुस– राष्ट्रिय प्रजातन्त्र पार्टी (राप्रपा) नेता पुष्पराज पौडेल काठमाण्डुको कालिमाटीस्थित स्वर्णलक्ष्मी सहकारी ठगीमा संलग्न रहेको खुलासा भएको छ ।
जिल्ला सरकारी वकिल कार्यालयले पौडेलसहित ३९ जनाविरुद्ध जिल्ला अदालत काठमाण्डुमा आइतबार संगठित अपराध र ठगी कसुरमा मुद्धा दायर गरेको हो ।
उनी यसअघि पनि ठगी आरोपमा पक्राउ परेका थिए । रामेछापका स्थायी बासिन्दा पौडेल युट्युबमा चर्का कुरा गरेर बेलाबेला चर्चामा आउने गरेका छन् ।
सहकारी ठगी छानबिन गर्न गठित संसदीय विशेष समितिले पौडेललाई बोलाएर बायन लिएको थियो । अर्काको जमिन नक्कली पूर्जा बनाएर बेचेको कसुरमा पौडेल ०७५ सालमा पनि पक्राउ परेका थिए ।
पौडेल आफैं भने भ्रष्टाचारविरुद्धको अभियन्ता दाबी गर्दै अभियानमा सक्रिय थिए ।
