राष्ट्रिय स्वाधीनता र स्वाभिमानको पक्षमा झण्डा उठाउन अग्रसर भएको छुः भिम रावल

काठमाण्डु, १७ पुस– नेकपा एमालेले आफुलाई पार्टी बाट निष्कासन गरेपछि पूर्व गृहमन्त्री समेत रहेका नेता डा. भिम रावलले पहिलो पटक पत्रकार सम्मेलन गरेका छन ।

काठमाण्डुको माईतीघरस्थित कार्की ब्याङ्क्वेटमा आज बुधबार नेता रावलले पत्रकार सम्मेलन गरेका हुन । एमालेबाट निष्काशनमा परेका भीम रावलले आफू राष्ट्रिय स्वाधीनता, स्वाभिमान र जनविजिकाको पक्षमा झण्डा उठाउन अग्रसर भएको बताएका छन ।

साथै रावलले केपी ओली गुटको निष्काशनपछि आफू देश र जनताको हितका लागि विकल्पको बाटो हिँड्न बाध्य भएको पनि बताएका छन ।

उनले आफू राष्ट्रियताको हितको पक्षमा अघि बढ्न लाग्दै गर्दा साथ दिन सबै पक्षलाई आग्रह समेत गरेका छन ।