- बिहीबार, ३२ असार, २०८३
जाजरकोट, १७ मंसिर-जाजरकोटको नलगाड नगरपालिका उपप्रमुखमा नेकपा माओवादी केन्द्रले अरु उम्मेदवारको तुलनामा फराकिलो अग्रता बनाएको छ ।
माओवादी उम्मेदवार देवका लामिछाने प्रतिस्पर्धीभन्दा करिब १ हजार मतले अगाडि छन् । वडा नम्बर १ देखि ७ सम्मको मतगणना सकिँदा लामिछानेले २ हजार ७ सय २१ मत ल्याएकी छन् । काँग्रेसकी इन्द्रा चन्द सिंह १ हजार ७ सय ५३ मतसहित लामिछानेलाई पछ्याइरहेकी छन् ।
यस्तै एमालेकी सुनिता बोहराले १ हजार ४ सय ३, रास्वपाकी पार्वती पुनले १ सय २९, राप्रपा नेपालकी सुनिता पुन रालले ४१ र नेपाल समाजवादी पार्टीकी पवित्रा जैसीले १३ मत पाएका छन् ।
