- बिहीबार, ३२ असार, २०८३
दैलेख, १७ मंसिर- दैलेखको महाबु गाउँपालिका अध्यक्षमा एमालेका जंगबहादुर शाही विजयी भएका छन् ।
शाही ३ हजार १२७ मतसहित विजयी भएका हुन् ।
उनका निकटतम प्रतिद्वन्द्वी काँग्रेसका झलकबहादुर भण्डारीले २ हजार ६ सय ७५ मत पाएका छन् ।
माओवादीका केन्द्रका दजंगबहादुर बरालले ८ सय ४२, रास्वपाका प्रकाशकुमार बुढाले १ सय १२, नेमकिपाका दुर्गबहादुर मगरले ५३ र राप्रपाका सुर्जे रावतले ४७ र एकीकृत समाजवादीका जगतबहादुर हमालले ४ मत पाएका छन् ।
यसअघि २०७९ को निर्वाचनमा उक्त गाउँपालिका काँग्रेसले जितेको थियो । काँग्रेसका लछुमन गुरुङ निर्वाचित हुँदा अहिले निर्वाचित शाही एकीकृत समाजवादीबाट उम्मेदवार थिए ।
त्यतिबेला शाही तेश्रो भएका थिए । यसअघि भने उनी निर्वाचनको मुखमा एमाले फर्किएका थिए ।
पार्टीमा फर्किएलगत्तै एमालेले उनलाई अध्यक्षको टिकट दिएको थियो । ०७४ मा भने शाही पालिका अध्यक्ष निर्वाचित भएका थिए ।
