- बिहीबार, २६ असार, २०८२
काठमाण्डु, १७ भदौ– काठमाण्डुको पेप्सीकोलामा दुर्घटनामा परी घाइते भएकामध्ये दुई जनाको उपचारका क्रममा मृत्यु भएको छ ।
मृत्यु हुनेमा सशस्त्र प्रहरी बल सिनामंगलमा कार्यरत जवान २५ वर्षीया उषा थापा र सर्लाहीका २१ वर्षी राज भट्टराई रहेको जिल्ला प्रहरी परिसर काठमण्डुका एसपी कुमोध ढुंगेलले जानकारी दिए ।
उनीहरुको मिनभवनस्थित निजामति अस्पतालमा उपचारका क्रममा ज्यान गएको हो । आइतबार बिहान काठमाण्डुको पेप्सीकोलामा क्षेत्रीय उपत्यका बस व्यवसाय संघको बा३ख ४८४८ नम्बरको बसले विपरीतबाट आउँदै गरेको बा६च ५३४२ नम्बरको बोलेरो जिप तथा बा.प्र०२०३७प५३११ नम्बरको स्कुटर र बा.प्र.०२९०४१प४८३८ नम्बरको मोटरसाइकललाई उकैसाथ ठक्कर दिएको थियो ।
त्यस क्रममा १४ जना घाइते भएका थिए । ढुंगेलका अनुसार मृतक थापा स्कुटर पछाडि सवार थिइन् भने भट्टराई मोटरसाइकल चालक हुन् ।
ठक्क दिने बसका चालक रामेछाप लिखुतामाकोशी गाउँपालिका–२ का २४ वर्षीय जनक राउतलाई प्रहरीले नियन्त्रणमा लिएको छ ।
