- बुधबार, २५ असार, २०८२
धादिङ, ६ भदौ– पृथ्वी राजमार्गअन्तर्गत धादिङको गजुरीमा गुडिरेहको बस त्रिशूली नदीमा खसेको छ ।
गजुरी गाउँपालिका–२, चालिसे छहराबाट बुधबार बिहान यात्रुबस त्रिशुलीमा खसेको प्रहरीले जनाएको छ ।
धादिङ प्रहरी प्रमुख एसपी गौतम मिश्रका अनुसार बस बिहान १० बजेर ४० मिनेटमा त्रिशूलीमा खसेको हो । मिश्रले आफू घटनाबारे जानकारी पाएलगत्तै त्यसतर्फ हिंडेको र थप विवरण आउन बाँकी रहेको बताए ।
बसमा कति यात्रु थिए भन्ने यकिन जानकारी प्राप्त हुन सकेको छैन । मिश्रले घटनास्थलमा प्रहरी र स्थानीयले उद्धार जारी राखेको बताए ।
लगातारको वर्षातका कारण त्रिशुलीमा बाढी आएकाले उद्धारकार्य प्रभावित भएको छ । दुर्घटनाको विस्तृत विवरण आउन बाँकी छ ।
