- आइतबार, ४ जेठ, २०८२
काठमाण्डु, २३ चैत– सप्तरीमा मोटरसाइकल दुर्घटना हुँदा एकजनाको मृत्यु भएको छ ।मृत्यु हुनेमा सप्तरीको बोदेबर्साइन नगरपालिका ५ भाटिन बस्ने वर्ष १७ का सागर पण्डित रहेका छन् ।
मोटरसाइकल अनियन्त्रित भएर दुर्घटना भएको हो । आज बिहीबार दिउँसो बोदेबर्साइन २ बैरियास्थित बिषनपुर बोदेबर्साइन सडक खण्डमा उत्तरबाट दक्षिणतर्फ आँउदै गरेको को १७ प ९४७५ नम्बरको मोटरसाइकल आफैँ अनियन्त्रित भएर दुर्घटना भएको प्रहरीले बताएको छ ।
दुर्घटनामा गम्भीर घाइते चालक पण्डितको उपचारका लागि जिवन ज्योति अस्पताल बोदेबर्साइनमा लैजाँदा चिकित्सकले मृत घोषणा गरेको सप्तरीका डीएसपी नरेशकुमार सिंहले जानकारी दिएका छन ।
मोटरसाइकलमा पछाडि बसेका १५ वर्षीय सुमित पण्डित घाइते भएका छन् । उनको जिवन ज्योति अस्पतालमा उपचार भइरहेको जिल्ला प्रहरी कार्यालय सप्तरीले जानकारी दिएको छ ।
