- बुधबार, २४ वैशाख, २०८२
काठमाण्डु,१५ फागुन– एमालेबाट मन्त्री बनेका नेताहरुले नेकपा (माओवादी केन्द्र)का अध्यक्ष एवं प्रधानमन्त्री ‘प्रचण्ड’ समक्ष राजीनामा बुझाएका छन् ।
आज (सोमबार) अपरान्ह उपप्रधान एवं अर्थमन्त्री विष्णु पौडेलसहित एमालेबाट मन्त्री बनेका नेताहरु बालुवाटार गई प्रधानमन्त्री पुष्पकमल दाहाल प्रचण्डलाई राजीनामा बुझाएका हुन मन्त्रिपरिषदमा एमालेबाट उपप्रधानमन्त्री एवं अर्थमन्त्री विष्णु पौडेल, परराष्ट्रमन्त्री विमला राई पौड्याल, स्वास्थ्य तथा जनसंख्यामन्त्री पदम गिरी, रक्षा मन्त्री हरि उप्रेती, कृषि मन्त्री ज्वालाकुमारी शाह, उद्योग, वाणिज्य तथा आपूर्ति मन्त्री दामोदर भण्डारी, महिला बालबालिका तथा ज्येष्ठ नागरिक मन्त्री भगवती चौधरी र भूमिसुधार मन्त्री राजेन्द्रकुमार राई बनेका थिए ।
आज (सोमबार) दिउँसो बसेको एमालेको सचिवालय बैठकले सरकारबाट बाहिरिने र समर्थन पनि फिर्ता लिने निर्णय गरेको थियो । यसअघि आइतबार साँझ संयुक्त राष्ट्रसंघीय मानव अधिकार परिषदको बैठकमा सहभागी हुन जान लागेकी परराष्ट्र मन्त्री विमला राई पौड्याललाई प्रधानमन्त्रीले रोकेका थिए ।
