- बुधबार, २४ वैशाख, २०८२
काठमाण्डु, २६ माघ– नेकपा माओवादी केन्द्रले अग्निप्रसाद सापकोटालाई पार्टीको उपाध्यक्ष बनाएको छ ।
सापकोटा यसअघि सभामुख थिए । सभामुखबाट हटेसँगै उनी फेरि पार्टी राजनीतिमा सक्रिय भएका हुन् । माओवादीले पम्फा भुसाललाई पनि उपाध्यक्ष बनाएको छ । महाधिवेशनपछि पदाधिकारी चयन गरिँदा भुसाललाई उपमहासचिव बनाइएको थियो ।
माओवादीले बुधबार सर्कुलर जारी गर्दै सापकोटा र भुसाललाई उपाध्यक्ष बनाइएको उल्लेख गरेको छ । माओवादीमा नारायणकाजी श्रेष्ठ वरिष्ठ उपाध्यक्ष र कृष्णबहादुर महरा उपाध्यक्ष छन् ।
उपमहासचिवमा भने वर्षमान पुन, हरिबोल गजुरेल, जनार्दन गिरिराजमणि पोखरेल, शक्ति बस्नेत, जनार्दन शर्मा र मातृका छन् ।
त्यसैगरी सचिवमा गणेश साह, दीनानाथ शर्मा, चक्रपाणि खनाल, देवेन्द्र पौडेल, लीलामणि पोखरेल, हितराज पाण्डे, हितमान शाक्य, राम कार्की र डिलाराम आचार्य छन् । कोषाध्यक्षमा श्रीराम ढकाल छन् ।
अब माओवादी केन्द्रमा पदाधिकारी २२ जना, स्थायी समिति सदस्य ४४ जना, केन्द्रीय समिति सदस्य तीन सय ८६ र वैकल्पिक केन्द्रीय समिति सदस्य दुई सय दुई जना पुगेका छन्
