- बिहीबार, २५ वैशाख, २०८२
एजेन्सी– टर्किमा गएको भूकम्पमा परी टर्किका गोलकिपर अहमेत एयुप तुकास्लानको निधन भएको छ । अहमेतको मृत्यु भएको उनको क्लब येनी मालत्यास्पोरले पुष्टि गरेको छ ।
सोमबार गएको विनाशकारी भूकम्पमा परी टर्की र सिरियामा ८ हजार जनाको मूत्यु भएको छ । ‘हाम्रा गोलकिपर अहमेट एयुप तुकास्लान भूकम्पमा परि निधन भएको छ ।
हार्दिक श्रद्धान्जली,’ क्लबले आफ्नो ट्वीटरमा लेखेको छ, ‘ सुन्दर व्यक्ति तपाईलाई हामी बिर्सने छैनौं ।’ २८ वर्षीय तुकास्लानले सन् २०२१ मा टर्कीको दोस्रो डिभिजन क्लब येनी मालत्यास्पोमा आबद्ध भएपछि ६ पटक खेले खेलेका थिए ।
टर्कीकै दोस्रो डिभिजनको क्लब सेकुर रिजेस्पोरबाट खेल्ने क्रिस्टल प्यालेस र एभर्टनका पुर्व विंगर यानिक बोलासीले पनि उनको निधनमा उनको परिवार र मालत्यास्पोर टोलीका साथीहरूप्रति मेरो समवेदना व्यक्त गरेका छन् ।
