- शनिबार, ११ चैत, २०७९
काठमाण्डु,२० माघ– प्रहरीले १६ वर्षीया किशोरीलाई भारतमा लगेर बेचेको आरोपमा ६ जनालाई पक्राउ गरेको छ ।
१७ मंसिरमा मामाघरबाट हराएकी ती किशोरीलाई माघ १७ मा भारतको नयाँ दिल्लीबाट उद्दार गरिएको मानव बेचविखन ब्यूरोका एसपी दानबहादुर मल्लले जानकारी दिएका छन ।
प्रहरीले १९ माघमा ती किशोरीलाई एयर इन्डियाको उठान नम्बर एआई– २१३ मार्फत काठमाण्डुमा ल्याएको थियो । सुनौली हुँदै गाडीमा राखेर नयाँदिल्ली र पहाडगञ्जमा लगेर आरोपीहरुले किशोरीलाई बन्धक बनाएको आरोप लागेको छ ।
तान्त्रिक बाबाको माग अनुसार ५ फिट ४ इन्च अग्ली र रजस्वला नभएकी किशोरीलाई आरोपीहरुले भारत लगेको अनुसन्धानबाट खुलेको छ ।
