- सोमबार, १७ मंसिर, २०८१
रौतहट, २ भदौ– रौतहटमा यात्रुबसले अटो रिक्सालाई ठक्कर दिँदा तीन जनाको ज्यान गएको छ ।
पूर्वपश्चिम राजमार्गअन्तर्गत चन्द्रपुर नगरपालिका–२ लच्कामा काठमाण्डुबाट सर्लाही जाँदै गरेको बागमती प्रदेश ०३–००१ख२०१ नम्बरको बसले विपरीत दिशाबाट आउँदै गरको प्रदेश–२–०२–००१ह२१०९ नम्बरको अटो रिक्सालाई ठक्कर दिएको थियो ।
इलाका प्रहरी कार्यालय चन्द्रपुरका अनुसार मृतक सबै अटोमा सवार थिए । गम्भीर घाइते तीनै जनाको उपचारका mागि अस्पताल ल्याउँदै गर्दा बाटैमा मृत्यु भएको हो । मृत्यु हुनेमा सर्लाही–२ सोल्टीका प्रेम ठाडामगर, ढकबहादुर लुंगेली र अटो चालक रवि मगर छन् । दुर्घटनामा घाइते मृतक लुंगेलीकी श्रीमती सविना घाइते भएकी छिन् ।
उनको चन्द्रपुर अस्पतालमा उपचार भइरहेको छ । प्रहरीले ठक्कर दिन बस र चालक चन्दन साहलाई नियन्त्रणमा लिएको छ ।
