काठमाण्डु, १० जेठ– दैलेखको आठबीस नगरपालिका–२ स्थित सिस्नेमा बस दुर्घटना भएको छ ।
कालीकोटबाट नेपालगञ्ज आउँदै गरेको म१ख ६६० नम्बरको बस बुधबार राति सडकबाट ५० मिटर तल खसेर दुर्घटना भएको हो । प्रहरीले केही यात्रु हताहती भएको हुन सक्ने आशंका गरेको छ ।
दैलेख प्रहरी प्रमुख प्रहरी नायब उपरीक्षक भुवनेश्वर साहले घटनाबारे जानकारी पाएसँगै उद्दारका लागि टोली गएको जानकारी दिए । क्षमताभन्दा बढी यात्रु चढेका कारण बस दुर्घटना भएको प्रारम्भिक सूचना आएको उनले बताए ।
५० देखि ६० जना यात्रु बसमा रहेको अनुमान गरिएको उनले जानकारी दिए ।