- शुक्रबार, १४ वैशाख, २०८१
चितवन, ५ जेठ– भरतपुर महानगरपालिकाको मेयरमा माओवादी केन्द्रकी रेणु दाहालले प्रतिस्पर्धीसँगको अग्रता थप फराकिलो पार्दै लगेकी छन् ।
३८ हजार ८ सय ६४ मत गणना हुँदा रेणुले १४ हजार ७ सय ६६ मत प्राप्त गरेकी छन् । उनलाई पछ्याइरहेका एमाले–राप्रपा गठबन्धनका विजय सुवेदीले ११ हजार ७ सय ६५ मत ल्याएका छन् ।
काँग्रेसका बागी स्वतन्त्र उम्मेदवार जगन्नाथ पौडेलले ६ हजार ९० मत पाएका छन् । उपमेयरमा पनि सत्ता गठबन्धनका उम्मदवार काँग्रेसका चित्रशेन अधिकारी १७ हजार ९६ मतसहित अगाडि छन् ।
एमाले–राप्रपा गठबन्धनकी हिमला गुरूङले ९ हजार ५ सय १ मतसहित अधिकारीलाई पछ्याइरहेकी छन् ।
