- बिहीबार, २० मंसिर, २०८१
काठमाण्डु, ४ वैशाख– स्याङ्जामा जीप दुर्घटना हुँदा पाँच जनाको मृत्यु भएको छ। दुर्घटनामा अन्य ६ जना घाइते भएका छन्।
स्याङ्जाको वालिङ नगरपालिका–१२ डाँडाखर्कबाट वालिङ बजारतर्फ आउँदै गरेको ग १ ज ७३९९ नम्बरको जीप डाँडाखर्कको भित्री सडकमा दुर्घटनामा परेको हो।
जिल्ला प्रहरी कार्यालय स्याङ्जाका प्रमुख प्रहरी उपरीक्षक (एसपी) राजिब बस्नेतका अनुसार मृत्यु हुनेमा १ बालकसहित ५ जना छन्। उनीहरुको पहिचान खुल्न नसकेको एसपी बस्नेतले जानकारी दिए।
घाइतेहरुलाई उपचारका लागि गण्डकी मेडिकल कलेज पोखरा रेफर गरिएको एसपी बस्नेतले जानकारी दिए।
