- आइतबार, २२ असार, २०८२
डोल्पा, ३ माघ– डोल्पाको शे–फोक्सुण्डो राष्ट्रिय निकुञ्जअन्तर्गत त्रिपुरासुन्दरी–११ स्थित मुह इलाकबाट नेपाली सेनाले हतियारसहित पाँच जनालाई पक्राउ गरेको छ ।
पक्राउ पर्नेमा त्रिपुरासुन्दरी–११ मुहका मनबहादुर बुढा, चन्द्रप्रसाद बुढा, त्रिपुरासुन्दरी–७ का सूर्यबहादुर बुढा, चन्द्र केसी र गोकर्ण बुढा छन् । हतियारसहित अवैध वन्यजन्तु तस्करीका लागि हिंडेका बेला उनीहरुलाई पक्राउ गरिएको हो ।
उनीहरुका साथबाट दुई नाल भरुवा बन्दुक, बारुद, वन्यजन्तु शिकारीमा प्रयोग हुने उपकरण, २ वटा चौरी गाईको सिङ, कस्तुरीको दाँतलगायत वन्यजन्तुका अंग बरामद गरेको सैनिक जनसम्पर्क निर्देशनालयले जनाएको छ ।
पक्राउ परेकाहरुलाई बरामद सामानसहित शे–फोक्सुण्डो राष्ट्रिय निकुञ्ज कार्यालयको जिम्मा लगाएको छ ।
