- शुक्रबार, २६ वैशाख, २०८२
काठमाण्डु, २७ वैशाख – आर्थिक लेनदेनको विषयमा व्यक्तिलाई बन्धक बनाएको अरोपमा प्रहरीले एक महिलालाई नियन्त्रणमा लिएको छ ।
महानगरीय अपराध अनुसन्धान महाशाखा र प्रहरी परिसर, ललितपुरको टोलीले बन्धक बनाइएका इमाडोलका ५८ कृष्ण चौडेललाई उद्दार गरी संलग्नलाई पक्राउ गरेको हो ।
महाशाखाका एसपी केदार ढकालका अनुसार पक्राउ पर्नेमा अमिना भुजेल छिन् । भुजेल र चौडेलबीच लेनदेनको विवाद रहेको बताइएको छ ।
अनुसन्धान अधिकारीका अनुसार भुजेलले चौडेललाई २ लाख रुपैयाँ ऋण दिएकी थिइन् । तर, ब्याज वापतको ५० हजार रकम दिन बाँकी थियो ।
रकम नदिएपछि भुजेलले उनलाई बन्धक बनाउने प्रयास गरेकी थिइन् । यस विषयमा थप अनुसन्धान भइरहेको प्रहरीले जनाएको छ ।
