- मंगलबार, १६ असोज, २०८०
जापान, १७ वैशाख – जापानका राजा अकिहितोले राजगद्दी त्यागेको घोषणा गरेका छन् । जापानको राजदरबारमा आयोजित विशेष समारोहमा उनले जनताका नाममा संबोधन गर्दै आफ्नो राजकीय शक्ति सांकेतिक रुपमा जनतामा हस्तान्तरण गरेका छन् ।
राजा अकिहितो ३० वर्ष शासनपति स्वेच्छिक रुपमा गद्दी त्याग गरेका हुन् । ८५ वर्षका राजाले बुढेशकाल र कमजोर स्वास्थ्यका कारण आफ्नो भूमिका निर्वाह गर्न कठिन भएको बताएपछि राजगद्दी छाड्न अनुमति पाएका हुन् । दुई सय वर्षको इतिहासमा उनी राजगद्दी छाड्ने पहिलो राजा हुन् । राजकुमार नारुहितोले बुधबार राज्याभिषेक गर्नेछन् ।
जापानका राजा सांकेतिक भनिए पनि देशको राजकीय शक्ति उनीहरुको हातमा नै हुन्छ । राजा अकिहितो रोग तथा प्रकोपपीडित जनतासँग प्रत्यक्ष संवाद गर्ने बानीका कारण जापानमा शक्ति आर्जन गरेका थिए ।
गद्दीत्याग मूल समारोहको कार्यक्रम राजदरबारमा करिब तीन सय जनाको उपस्थितिमा भएको थियो । समारोहमा जापानी प्रधानमन्त्री सिञ्जो अबे, राजकुमार नारुहितो र युवराज्ञी मसाको पनि सहभागी थिए ।
कार्यक्रममा प्रधानमन्त्री अबेले पनि छोटो संबोधन गरेका थिए । राजा अकिहितो पनि आज पश्चिमा शैलीको मर्निङ कोट लगाएर आएका थिए । उनले संबोधनका क्रममा भने ‘जापान र विश्वभर शान्ति र समृद्धिको कामना गर्नछु ।’
के भने उनले ?
आज, म मेरो कर्तव्यको रूपमा सम्राटको समापन गर्दैछु । म जापानका जनताहरूको तर्फबाट प्रधानमन्त्री शिन्जे आबेले बोल्ने शब्दहरूमा गहिरो कृतज्ञता व्यक्त गर्न चाहन्छु ।
३० वर्ष पहिले सिंहासनमा अाउँदा मैले आफ्नो कर्तव्यलाई सम्राटको रूपमा गहिरो भावना र मानिसहरूलाई आदरका साथ प्रदर्शन गरेको छु, र म त्यसो गर्न सक्षम भएकोमा सबै भन्दा भाग्यशाली ठान्दछु । म ईमानदारीपूर्वक राज्यको प्रतीकको रूपमा मेरो भूमिकालाई स्वीकार गरेर मलाई समर्थन गर्ने जनतालाई धन्यवाद दिन्छु ।
म ईमानदारीपूर्वक भन्छु, रेइवा युग, जुन सुरु हुन्छ, एक स्थिर र फलदायी हुनेछ, र मेरो हृदयबाटै, जापान र विश्वका सबै मानिसहरूलाई शान्ति र समृद्धिकाे कामना गर्दछु ।
