- मंगलबार, ३० वैशाख, २०८२
एजेन्सी- इराकको राष्ट्रिय सेनामा ५० हजार ‘भुत’ सैनिक रहेको अन्तर्राष्ट्रिय सञ्चार माध्यमले जनाएका छन् ।
समाचारमा जनाइएअनुसार युद्धका क्रममा दोहोरो भिडन्तमा पेरर मरेका वा सेवा छोडेकाहरुलाई त्यहाँ ‘भुत’ सैनिक भन्ने गरिएको छ ।
उनीहरु मरिसकेर पनि कार्यरत रहेर त्यसो भनिएको भने होइन । सीमित सैनिक अधिकारीहरुले मर्नेहरुको विवरण लुकाएर उनीहरुका नाममा आउने तलब भत्ता बाँडेर खाने गरेका छन् ।
एएफपीका अनुसार सरकारले तलब पठाइरहेको छ र सैनिक अधिकारीहरुले त्यो पैसा आफैं बुझिरहेका छन् ।
यसैबीच प्रधानमन्त्री हैदर अल अबादीका प्रवक्ता रफिद जबुरीले ‘भुत’ सैनिकका विषयमा जानकारी लिने काम सुरु भएको बताए । इस्लामी स्टेटसँगको लडाईंमा इराकी सेना कमजोर हुनुको कारण ‘भुत’ सैनिक प्रमुख कारण रहेको समाचारमा छ ।
