- शनिबार, १४ असार, २०८२
चीन, २३ भदौ – चीनको राजधानी बेइजिङमा बसोबास गर्ने करिब २० हजार जोडीले दोस्रो सन्तान जन्माउने अनुमति पाएका छन् ।
सरकारले गत फेबु्रअरीदेखि परिवार नियोजन सम्बन्धी नीति केही खुकुलो बनाइदिएपछि उक्त अनुमति प्राप्त भएको अधिकारीहरूले जनाएका छन् ।
गत अगस्ट अन्तिम सातासम्ममा २१ हजार दुई सय ४९ जोडीले दोस्रो सन्तानको अनुमतिको माग गर्दै निवेदन दिएको बेइजिङको स्वास्थ्य तथा परिवार नियोजन नियोगले जनाएको छ ।
निवेदन दर्ता गराउने ५६ प्रतिशत महिला ३१ देखि ३५ वर्षका छन् भने पाँच सय ३७ जना ४० वर्षभन्दा माथिका । सरकारले दशकौंअघि लागू भएको एउटा बच्चा जन्माउने नीति गत वर्षदेखि केही खुकुलो गरेको थियो ।
सिन्ह्वा
