- शनिबार, १३ असार, २०८३
काभ्रे, १५ भदौ– बीपी राजमार्गअन्तर्गत काभ्रेको मंगलटार–९ मा गएराति भएको मोटरसाइकल दुर्घटनामा एकजनाको मृत्यु भउको छ ।
बा १० प ३२३२ नम्बरको मोटरसाइकल सडकबाट खोलामा खस्दा सिन्धुपाल्चोक दुवाचौर–७ का कुमार तामाङको घटनास्थलमै मृत्यु भएको हो ।
जिल्ला प्रहरी कार्यालय काभ्रेका प्रमुख प्रहरी नायब उपरीक्षक जनक भट्टराईले मोटरसाइकल अनियन्त्रित भई सडकबाट खोलामा खसेको बताए ।
उता अछामको साँफेबगरमा जिपबाट खसेर एक वृद्धको ज्यान गएको छ । साँफेबाट बयलपाटा आउँदै गरेका साँफे–१० का लोकहादुर लोहारको जिपबाट खसेर ज्यान गएको हो । गम्भीर घाइते उनको बयलपाटा अस्पतालमा उपचारका क्रममा निधन भएको थियो ।
