- शुक्रबार, १४ वैशाख, २०८१
काठमाण्डु, १२ असार– नेपाली काँग्रेसले अमेरिकामा उपचाररत प्रधानमन्त्री सुशील कोइरालाको स्वास्थ्य लाभको कामना गरेको छ ।
प्रधानमन्त्रीको सरकारी निवास बालुवाटारमा बिहीबार बसेको काँग्रेस पदाधिकारी बैठकले पार्टी सभापतिसमेत रहेका कोइरालाको सीघ्र स्वास्थ्यलाभको कामना गरेको हो ।
बैठकमा उपसभापति रामचन्द्र पौडेलले प्रधानमन्त्री कोइरालाको स्वास्थ्य अवस्थाबारे नेताहरुलाई जानकारी गराएका थिए । प्रधानमन्त्री कोइरालाका न्यूयोर्कस्थित मेमोरियल स्लोन केटरिङ क्यान्सर सेन्टरमा उपचार भइरहेको छ ।
स्वास्थ्य परीक्षणबाट कोइरालाको जिब्रोमा कयान्सर भएको पुष्टि भएको छ । कोइरालालाई चिकित्सकले रेडियो थेरापी गर्न सल्लाह दिएका छन् ।
