- बुधबार, १ जेठ, २०८२
सप्तरी, १७ चैत – तिलाठी गाविसका वडा नं ४ र ७ मा भएको आज भएको आगलागीमा २१ घर जलेर नष्ट भएको छ ।
तिलाठी गाविस– ४ निवासी बौकु सुतिहारका घरबाट बिहान ९ बजे सल्केको आगोले फैलेर राम सुतिहार, सुकदेव सुतिहार र नन्दलाल यादवलगायत नौ परिवारका घर जलेको र आगो निभाउने क्रममा चार घर तोडफोड गरिएको छ ।
आगलागीमा परी करिब रु ३० लाख मूल्य बराबरको धनमाल जलेर नष्ट भएको प्रहरीको प्रारम्भिक अनुमान छ । शरीरमा लगाएको लुगाबाहेक अन्य कुनै सामान जोगाउन नसकेको पीडितले बताएका छन् ।
ढोल बजाएर आगलागीबाट बच्न हावाहुरीको समयमा आगो नबाल्न गाउँमा सचेतना जगाइरहेका बेला आगलागी भएको स्थानीयवासीले बताएका छन् ।
राजविराज नगरपालिकाबाट पुगेको वारुणयन्त्र, स्थानीयवासी, नेपाल प्रहरी, सशस्त्र प्रहरी बल र नेपाली सेनाको दुई घन्टाको अथक प्रयासमा बिहान ११ बजेतिर आगो नियन्त्रणमा आएको प्रहरीले जनाएको छ ।
यसअघि शनिबार दिउँसो सप्तरीको विषहरिया गाविस– ९ स्थित सिग्यिौन टोलमा भएको आगलागीमा ३० परिवार परिवारको ७६ घर जलेर नष्ट भएको थियो ।
