काठमाण्डु, २४ फागुन – एकिकृत माओबादी एकिकृत माओबादिको जिल्ला संयोजकहरुको बैठक आज पनि बस्दैछ ।
केन्द्रीय कार्यालय पेरिसडाँडा कोटेश्वरमा केहिबेरमा बस्ने बैठकमा संगठनात्मक सम्मेलनको कार्यबिधीमाथि जिल्ला संयोजकहरुले धारणा राख्ने क्रम जारी रहने माओबादीले जनाएको छ ।
हिजोको बैठकमा धारणा राख्ने संयोजकहरुले तयारीका लागि समय अपुग हुने भन्दै सम्मेलन सार्न सुझाब दिएका थिए ।
संगठनात्मक सम्मेलनका लागि पार्टी संगठन बिभागले बनाएको कार्यबिधिका बिषयमा जिल्ला तहमा एकरुपता ल्याउन एकिकृत माओबादिले जिल्ला संयोजकहरुको बैठक बोलाएको हो ।
गएको बर्ष माघमा हेटौंडामा भएको सातौं महाधिबेशनबाट पारित बिधानलाई माओबादिले राष्ट्रिय सम्मेलनबाट संशोधन गर्ने तयारी थालेको छ । कार्यबिधिलाई भेलाले अन्तिम रुप दिएपछि केन्द्रीय कार्यसमिति बैठकले पारित गर्ने छ ।
माओबादी केन्द्रिय समितिले बैशाख १८ गते राष्ट्रिय सम्मेलन गर्ने निर्णय गरेको छ ।