- शुक्रबार, १४ वैशाख, २०८१
काठमाण्डु, ५ फागुन– अफ्रिकी मुलुक नाइजेरियामा हतियारधारीहरुको आक्रमणमा एक सय ६ जनाको ज्यान गएको छ ।
boko haram 
घटनामा सन्दिग्ध इस्लामिक चरमपन्थी समूह बोको हरामको संलग्नता रहको अधिकारीहरुले बताएका छन् ।
मारिनेमा सबै सर्वसाधारण छन् । प्रत्यक्षदर्शीलाई उद्धृत गर्दै अन्तर्राष्ट्रिय सञ्चारमाध्यमहरुले जनाएअनुसार ट्रक र मोटरसाइकलमा आएका बन्दुकधारीहरुको एक समूहले बोर्नो राज्यको एक गाउँका सर्वासधारणमाथि अन्धाधुन्ध गोली चलाएका थिए ।
केहीको रेटेर हत्या गरिएको बताइएको छ । आक्रमणमा केही मानिस भागेर ज्यान गोजाउन सफल भएका छन् । घटनास्थलमा सरकारी सुरक्षार्कीसमेत जान नसकेको बताइएको छ ।
जसका कारण शवहरु सडक र सार्वजनिक स्थानहरुमा बेवारिसे अवस्थामा छन् । आक्रमणका लागि सो समूह लुकेर बसेको हुनसक्ने आशंकामा उद्धारकर्मी घटनास्थल जान डराएका हुन् ।
एक सातअघि मात्र बोर्नो राज्यको कोनडुगा सहरमा बोको हरामको आक्रमणमा ३० सर्वसाधारण मारिएका थिए । उत्तरी नाइजेरियामा छुट्टै इस्लामिक राज्य माग गर्दै बोको हरामले सन् २००९ देखि हिंसात्मक गतिविधि गर्दै आएको छ ।
