- बिहीबार, २७ वैशाख, २०८१
काठमाण्डु, फागुन – शुक्रबारको व्यवस्थापिका संसदको बैठकमा नयाँ सरकार बनेकोमा दलहरुले शुभकामना दिने कार्यसूची तय भएपनि त्यसो नभइ दुर्ए अध्यादेश पारित गर्दै बैठक सकियो ।
बैठकमा प्रधानमन्त्रीमा सुशील कोइराला निर्वाचित भएकोमा दलहरुले शुभकानामा दिने कार्यक्रम रहे पनि त्यो हुन सकेन । सरकारले पूर्णता नपाएकाले शुभकामना दिने कार्यक्रम हुन नसकेको हो ।
बैठकपछि राप्रपा नेपाल संसदीय दलका नेता कमल थापाले शुभकामनाका लागि आफूहरु तयार भएर आए पनि सरकारले पूर्णता नपाउँदा प्रधानमन्त्री नै तयार नरहेकाले हुन नसकेको दावी गरे ।
यसैबीच एमाले अध्यक्ष झलनाथ खनालले आफूहरुको सहभागितामा सरकारलाई पूर्णता दिने विषय प्रधामन्त्रीकै हातमा रहेको बताएका छन् ।
संसद बैठकपछि पत्रकारसँग अध्यक्ष खनालले वार्ताका लागि आफूहरु तयार रहेको बताए ।
कांग्रेस नेतृ सुजाता कोइरालाले एमालेलाई गृहमन्त्री दिँदैमा आकाश नखस्ने भन्दै एमालेलाई सरकारमा सहभागि गराउन गृहमन्त्रालय दिनु पर्ने बताइन् ।
