- शनिबार, १५ वैशाख, २०८१
काठमाण्डु, २२ माघ – व्यवस्थापिका संसद सचिवालयले नयाँ प्रधानमन्त्री चयनका लागि निर्वाचन कार्यक्रम सार्वजनिक गरेको छ ।
संसद सचिवालयले बुधबार निर्वाचन कार्यक्रम सार्वजनिक गरेको हो । प्रधानमन्त्री चयनका लागि आउँदो २५ र २६ गते मनोनयन दर्ताको समय तोकिएको छ ।
प्रधानमन्त्री चयनका लागि व्यवस्थापिका संसदमा २७ गते निर्वाचन हुँदैछ ।
व्यवस्थापिका संसदका महासचिव एवं निर्वाचन अधिकृत मनोहरप्रसाद भट्टराईले बुधबार निर्वाचन कार्यक्रम सार्वजनिक गरेका हुन् ।
२५ र २६ गते विहान १० बजेदेखि साँझ ५ बजेसम्म संविधानसभा सदस्यले उम्मेदवारी दर्ता गर्न सक्ने जानकारी दिए ।
२६ गते साँझ साढे ५ बजे उम्मेदवारहरुको सूची प्रकाशित गरिनेछ । यस्तै २७ गते विहान ११ बजे संसद बैठकमा सबै उम्मेदवारी एकसाथ निर्णयार्थ प्रस्तुत हुनेछ ।
