हुम्ला, ५ माघ– हुम्लामा दुई दिनसम्म हिमपात भएपछि सदरमुकाम सिमीकोटमा दुई फिट हिउँ जमेको छ ।
हिमपातले गर्दा सदरमुकाम आसपासका गाउँ विकास समितिका जनतालाई उपभोग्य सामान लिन जाने बाटो बन्द भएको छ ।
नेपालगन्ज र सुर्खेतबीचको एकमात्र हवाई उडान पनि बन्द भएको छ ।
हिमपातले यहाँ चिसो अत्यधिक मात्रामा बढेको छ ।
त्यस क्षेत्रमा विहानदेखि हावाहुरी चलिरहेको छ । हिमपातले जौ, गहुँ जस्ता बाली सप्रिने भएकाले यहाँका जनता हर्षित छन् ।