
काठमाण्डु–मङ्सिर ४ गते हुन गइरहेको संविधानसभा निर्वाचनमा अमेरिकाका पूर्व राष्ट्रपति जिमी कार्टरले कार्टर सेन्टरको तर्फबाट अनुगमनको नेतृत्व गर्ने भएका छन् ।
यहाँस्थित कार्टर सेन्टरले बिहिवार विज्ञप्ति प्रकाशित गरी सेन्टरको तर्फबाट कार्टरले पर्यवेक्षणको नेतृत्व गर्ने जनाएको छ । कार्टर सेन्टरले मुलुकभर विभिन्न २७ मुलुकका ५० पर्यवेक्षकहरूलाई परिचालन गर्दैछ । अघिल्लो संबिधानसभा निर्वाचनमा पनि कार्टर आफै अनुगमनमा आएका थिए ।
यस्तै निर्वाचनको पर्यवेक्षणमा थाइल्याण्डका पूर्व प्रधानमन्त्री डा सुराकिआर्ट साथिरथाईले अनुगमनको सहायक नेतृत्व सम्हाल्नेछन् ।