- शुक्रबार, २८ भदौ, २०८१
बक्स अफिसमा अहिले भारतीय दुई चलचित्र ‘जन्जीर’ र ‘शुद्ध देसी रोमान्स’को चर्चा छ । जन्जीरबाट रामचरण तेजले बलिउडमा कदम राखेका छन् । पछिल्लो तीन दिनमा जन्जीरले १२ करोड मात्र व्यापार गरेको छ । फिल्म पण्डितहरुले यो कमाईलाई सन् २०१३ को सबैभन्दा बढी फ्लप बताउँछन् । जन्जीरसँग प्रतिस्पर्धा गर्न आएको ‘शुद्ध देसी रोमान्स’ले भने राम्रो शुरुआत गरेको छ ।
शुद्ध देसी रोमान्स जन्जीर भन्दा कम लगानीमा बनेको फिल्म हो । यो फिल्मलाई युवाहरुले बढी मन पराएका छन् । जन्जीरमा प्रीयङ्का चोपडाले र शुद्ध देसी रोमान्समा उनकी बहिनी परिणीतिले अभिनय गरेकी छन् । यी दुई फिल्मको कमाईको आधारमा भन्नुपर्दा प्रीयङ्कालाई उनकी बहिनी परिणीतिले पछि पारेकी छन् ।
