- आइतबार, २१ असार, २०८३
काठमाण्डू, २१ असार– महिला सेवाग्राहीलाई दुर्व्यहार गरेको आरोपमा याङ्गो चालकलाई पक्राउ गरीएको छ । पक्राउ पर्नेमा राइड सेयरिङ याङ्गो चालक दोलाखाको तामाकोशी गाउँपालिका–४ घर भएका ४१ वर्षीय शिवकुमार खड्का रहेको प्रहरीले जनाएको छ ।
बा. प्र. ०१–००२ ज ७९४८ नम्बरको ट्याक्सीका चालक खड्कालाई पीडित महिलाको उजुरीको आधारमा जिल्ला प्रहरी परिसर ललितपुरले पक्राउ गरेको हो ।
सेवा लिई सकेपछि ती महिला सेवाग्राहीलाई चालक खड्काले फोन, म्यासेज गर्ने अपशब्द बोल्ने गरेको आरोप रहेको छ ।
