- शनिबार, २० असार, २०८३
काठमाण्डु– बालेन्द शाह (बालेन) नेतृत्वको सरकारले सय दिनमा ६ हजारभन्दा बढी सरकारी कर्मचारीमाथि कारबाही गरेको खुलासा भएको छ ।
सरकारका प्रवक्ता एवं शिक्षा तथा खेलकुदमन्त्री सस्मित पोखरेलले शनिबार सरकारको सय दिनका उपलब्धि सार्वजनिक गर्न आयोजित पत्रकार सम्मेलनमा ६ हजार १ सय ४५ कर्मचारीमाथि कारबाही गरिएको बताए ।
७ सय ८७ वटा कार्यालय र योजना अनुगमनका क्रममा कमजोरी गरेको भेटिएकाले ती कर्मचारी कारबाहीमा परेको उनको भनाइ थियो ।
यस्तै सो अवधिमा ७ वटा मुद्दा दायर गरिएको तथा १ सय १ जना व्यक्ति तथा संस्थाविरूद्ध १ सय १८ अर्ब बिगो दाबीसहित मुद्दा दायर गरिएको बताए । सोही क्रममा ६६ जना बिचौलिया पक्राउ परेको विवरण उनले सुनाए ।
