- मंगलबार, १२ साउन, २०८३
काठमाण्डू, ४ फागुन– कांग्रेसका उपसभापति विश्वप्रकाश शर्माले अब दुई पटकभन्दा बढी प्रधानमन्त्री र प्रदेशको मुख्यमन्त्री बन्न नपाउने बताएका छन । आज (सोमबार) लमजुङमा आयोजित एक सभालाई सम्बोधन गर्दै कांग्रेस उपसभापति शर्माले यस्तो बताएका हुन । उनले कांग्रेसले अब दुई पटकभन्दा बढी कसैलाई प्रधानमन्त्री नबनाउने बताए ।
उपसभापति शर्माले भने, ‘कुनै पनि व्यक्ति सत्तामा निरन्तर आसन जमाउने परम्परा भत्काएर, हामी एकरदुईरतीनरचार को नीति संविधानमा अंकित गर्नेछौँ, अब उप्रान्त कोही पनि प्रधानमन्त्री र मुख्यमन्त्री दुई पटक भन्दा बढी रहन पाउने छैनन् ।’
कांग्रेस बदलिएर आएको कुरा बुझेका मतदाताले फागुन २१ को निर्वाचनमा जित दिलाउने पनि उनले विश्वास व्यक्त गरे । ‘देश जान्दछ, कांग्रेस बदलिएको छ । र, यो पनि देश जान्दछ, जो बदलिनसक्छ उसैले बदल्न सक्छ,’ उपसभापति शर्माले भने ।
देशको शासनमा गर्नुपर्ने सुधारबारे कांग्रेसले केस्राकेस्रा केलाएको उनले बताए । जेनजी विद्रोहको भावनाबमोजिम सुधार, परिमार्जन र समग्रमा परिवर्तनलाई कांग्रेसले नै सम्भव बनाउने उनले दाबी गरे ।
