- शनिबार, १३ असार, २०८३
काठमाण्डू, ३० साउन– जिल्ला अदालत भक्तपुरका न्यायाधीश रामप्रसाद न्यौपानेको इजलासमा गुन्डा नाइकेको रूपमा चिनिँदै आएका चक्रे मिलन उर्फ मिलन गुरुङको मुद्दामा बहस सुरु भएको छ ।
बिहीबार मुद्दाको सुनुवाइ नभ्याउने भएपछि पेशी तोकिएको थिएन । आज शुक्रबार भने न्यायाधीश न्यौपानेको इजलासमा चक्रेको बयान सुरु भएको छ । चक्रेको बयान सकिएपछि थुनछेक बहस हुनेछ ।
थुनछेक बहस सकिएको अवस्थामै धरौटीमा छाड्ने, साधारण तारेखमा बाहिर राख्ने वा पुर्पक्षका लागि कारगार चलान गर्ने मध्ये एक आदेश आउने सम्भावना रहेको छ ।
चक्रेविरुद्ध बिहीबार ज्यान मार्ने उद्योगको कसुरमा मुद्दा दर्ता भएको थियो । एक वर्षअघिको एक ज्यान मार्ने उद्योगको कसुरको मुद्दामा चक्रेविरुद्ध जाहेरी परेको थियो ।
आफ्नो भतिज मनिष रायमाझीलाई १० भदौ २०८१ मा सानोठिमीस्थित दिव्यश्जरीमा रहेको बड्डाको तावा रेस्टुरेन्टमा आक्रमण गरेको भन्दै उनका काका दिनेशकुमार रायमाझीले जाहेरी दिएका थिए ।
