- आइतबार, २५ जेठ, २०८२
काठमाण्डू, २४ जेठ– अमेरिकामा एकै घरमा चार नेपाली मृत फेला परेका छन् ।
भर्जिनिया राज्यको मनसास पार्क सहरस्थित एक नीजि घरमा चार जना नेपाली मृत भेटिएका त्यहाँको प्रहरीले जनाएको छ ।
मृतकमध्ये एक महिला, एक पुरूष, ८ वर्षीया बालिक र दुई वर्षका बालक छन् ।
मृतकमध्ये सन्तोष परियार र अन्जु श्रेष्ठको नाम खुलेको छ । बालबालिकाको भने प्रहरीले परिचय खुलाएको छैन । चारै जनाको शव गोली लागेको अवस्थामा भेटिएको हो ।
प्रहरीको प्रारम्भिक अनुसन्धानमा हत्यापछि आत्महत्या गरेको हुन सक्ने देखिएको प्रहरी अधिकारीहरुलाई उद्धृत गर्दै स्थानीय सञ्चार माध्यमले जनाएका छन् ।
