- मंगलबार, ३० असार, २०८३
विराटनगर, ५ माघ– माओवादी केन्द्रका अध्यक्ष पुष्पकमल दाहाल प्रचण्डले मोरङको ग्रामथान–२ झोराहाठमा ज्येष्ठ नागरिकलाई सम्मान गरेका छन् ।
ग्रामथानमा आयोजित विरोधसभालाई सम्बोधन गर्न पुगेका प्रचण्डले शनिबार १ सय ६ वर्षीय बखतबहादुर कार्की, १ सय ६ वर्षीय पदमप्रसाद पौडेल, ९७ वर्षीय कुलदीप मण्डल, ८२ वर्षीया गंगादेवी लुइँटे र ८० वर्षीया सिछाइ मुसहरलाई सम्मान गरेको उनको सचिवालयले जनाएको छ ।
त्यस क्रममा प्रचण्डले ज्येष्ठ नागरिक जीवन्त इतिहास भएकाले उनीहरुबाट समाजका हरेक क्षेत्रले प्रेरणा लिनुपर्ने बताए ।
आजको पुस्ताले अग्रज पुस्ताबाट अनुभव र प्रेरणा लिने समाजलाई गति दिनुपर्ने उल्लेख गर्दै उनले ज्येष्ठ नागरिकको सम्मान र सुरक्षाका लागि राज्य, समुदाय र परिवार संवेदनशील हुनुपर्नेमा जोड दिए ।
