- बुधबार, ३१ असार, २०८३
काठमाण्डू, २३ पुस- मंगलबार बिहान ६ बजेर ५० मिनेटमा गएको शक्तिशाली भूकम्पको धक्का नेपाल र चीनको सीमानामा रहेको पुष्टि भएको छ ।
खानी तथा भूगर्भ विभागले तिप्बतको दिंगे कान्टी केन्द्रबिन्दु भएर ७.१ रेक्टर स्केलको भूकम्प गएको जनाएको हो । उक्त स्थान नेपालको पूर्वी सिमाना नजिक पर्छ ।
काठमाण्डु उपत्यकासहित नेपालका अधिकांश स्थानमा भूकम्पको ठूलो धक्का महसुस गरिएको थियो । भूकम्पपछि मानिसहरु चिच्याउँदै घरबाहिर निस्किएका थिए । सडकमा केहीबेर सवारी साधनसमेत रोकिएका थिए ।
काठमाण्डुसहित आसपासका काभ्रे, सिन्धुपाल्चोक, नुवाकोट, रसुवा, धादिङ, मकवानपुर, रामेछाप, दोलखालगायत जिल्लामा भूकम्पको धक्का महसुस गरिएको छ ।
भूकम्पबाट भएको क्षतिबारे कुनै जानकारी प्राप्त भएको छैन । पछिल्लो समय नेपालका विभिन्न क्षेत्रलाई केन्द्रबिन्दु बनाएर लगातारजसो भूकम्प जाने गरेको छ ।
