सूर्यदर्शन सहकारी ठगीः बयान अन्तिम चरणमा, आजै थुनछेक बहस सुरु हुने

काठमाण्डु, १६ पुस– पूर्व उपप्रधान एवं गृहमन्त्री समेत रहेका रहेका रष्ट्रिय स्वतन्त्र पार्टी (रास्वपा) सभापति रवि लामिछानेसमेत जोडिएको पोखराको सूर्यदर्शन सहकारीको रकम अपचलन मुद्दामा न्यायाधीशसँगको बयान अन्तिम चरणमा पुगेको स्रोतले जानकारी दिएको छ ।

हालसम्म ६ जनाको बयान सकिएको र प्रतिवादी आरती गुरुङसँग बयान चलिरहेको अदालत स्रोतले जानकारी दिएको छ । लामिछानेसँगै पूर्व डीआईजी छविलाल जोशी, जीबी राईका पार्टनर लिला पछाई, रामबहादुर खनाल, पूर्व सांसद मीना गुरुङ र कृष्णबहादुर गुरुङसँग यसअघि नै बयान सकिएको हो । आरतीसँग बयान सकेर आजै थुनछेक बहस सुरु हुने स्रेस्तेदार राजन खनालले जानकारी दिएका छन ।

उनले भने, ‘बयान अन्तिम चरणमा पुगेको छ । सम्भवतः आजै थुनछेक बहस सुरु हुनेछ,’ उनले भने । यो मुद्दा न्यायाधीश नितिज राईको इजलासमा परेको छ । सहकारी ठगी आरोपमा पक्राउ परेकाहरूलाई सम्पत्ति शुद्धीकरण र सङ्गठित अपराध मुद्दा पनि थपिएको छ ।