- बुधबार, ३१ असार, २०८३
काठमाण्डु, १५ पुस– नेकपा एकता राष्ट्रिय अभियानका संयोजक वामदेव गौतमले सोमबार आफ्ना पुराना सहयात्री माधव नेपालसँग आज भेटवार्ता गरेका छन ।
नेकपा एकीकृत समाजवादीका अध्यक्ष समेत रहेका नेपाललाई भेट्न आलोकनगर पुगेका गौतमले पुराना संस्मरणहरू पुनर्जीवित भएको बताएका छन ।
अध्यक्ष नेपालसँगको भेटपछि सञ्चारकर्मी हरुलाई प्रतिक्रिया दिदँै उनले भनेका छन, ‘पुराना संस्मरणहरू पुनर्जीवित गरियो । नयाँ आकाशतर्फ फेरि हिँड्नपर्छ भन्ने पनि कुरा भयो ।
अनि आजलाई स्थगित भयो ।’ साथै, उनले आफू एकीकृत समाजवादी प्रवेशको सम्भावना रहेको पनि बताएका छन ।
एक नेताका अनुसार आजको भेटमा पार्टी एकताको क्रममा आफूनिकट नेताहरूले कुन–कुन जिम्मेवारी पाउने भन्दै गौतमले चासो राखेका थिए ।
एकीकृत समाजवादीमा गौतमलाई नेपाल र झलनाथ खनालपछिको वरियता दिने तयारी छ । अन्य नेताहरूको व्यवस्थापनको टुंगो भने लागिसकेको छैन ।
