- बिहीबार, ३२ असार, २०८३
काठमाण्डु, १६ मंसिर– आज आइतबार बिहान ७ बजेदेखि स्थानीय तहको उपनिर्वाचनको लागि मतदान जारी छ ।
४१ पदका लागि भएको उपनिर्वाचनमा ३७६ जना उम्मेदवार मैदानमा रहेको निर्वाचन आयोगले जानकारी दिएको छ ।
जिल्ला समन्वय समिति प्रमुख, नगरपालिका प्रमुख, उपप्रमुख र वडा अध्यक्ष तथा गाउँपालिका अध्यक्ष, उपाध्यक्ष र वडा अध्यक्षका रिक्त ४४ पदमा राजनीतिक दलबाट कात्तिक २ मा मनोनयनपत्र दर्ता भएको थियो ।
जसमा तीन पदमा निर्विरोध निर्वाचित भएसँगै आइतबार ४१ पदमा मात्रै उपनिर्वाचन भएको हो ।
ओखलढुङ्गा र कैलालीको जिल्ला समन्वय समिति प्रमुखमा क्रमशः नेपाली कांग्रेसका उम्मेदवार टेकराज भट्टराई र टीकाकुमारी चौधरी (भुल) निर्विरोध निर्वाचित भएको निर्वाचन आयोगले जानकारी दिएको छ ।
यस्तै रुकुम (पूर्व) पुथा उत्तरगङ्गा गाउँपालिका–२ को वडा अध्यक्षमा नेपाल कम्युनिष्ट पार्टी माओवादी केन्द्रका उम्मेदवार जगत घर्ती निर्विरोध निर्वाचित भएका छन् ।
बाँकी पदमा ४१ पदका लागि साँझ ५ बजेसम्म मतदान हुने निर्वाचन आयोगले जानकारी दिएको छ ।
